Danescourt a Pharc Hailey – Caerdydd
Fel y cwmni dŵr a dŵr gwastraff lleol, mae rhwymedigaeth gyfreithiol arnom i gynorthwyo datblygiadau tai newydd wrth sicrhau nad ydynt yn taro’r gwasanaethau a ddarparwn ar gyfer ein cwsmeriaid cyfredol. Dyna pam ein bod ni wedi bod yn cydweithio’n agos â’r awdurdod lleol a’r datblygwr i sicrhau bod gan rwydwaith dŵr gwastraff Caerdydd ddigon o gapasiti i barhau i wasanaethu’r gymuned ehangach wrth i’r datblygiad symud yn ei flaen. Rydyn ni wedi canfod bod digon o gapasiti gan y rhwydwaith dŵr gwastraff yn Ystum Taf i drosglwyddo rhywfaint o’r llif i mewn i’r rhwydwaith yma i’w gludo ymlaen wedyn i Weithfeydd Trin Dŵr Gwastraff Caerdydd er mwyn ei drin.
Rydyn ni wedi edrych ar amryw o atebion i wneud hyn. Lle bo modd a lle bo digon o gapasiti, bydd rhai o’r eiddo newydd yn cysylltu â’n carthffosydd cyfredol. Lle nad yw hyn yn bosibl, yr unig ateb hyfyw yw trosglwyddo llif y dŵr gwastraff i un o’n prif garthffosydd cyfredol er mwyn cludo’r llif i Weithfeydd Trin Dŵr Gwastraff Caerdydd.
Fel arfer, mae ein rhwydwaith yn dibynnu ar ddisgyrchiant i gludo gwastraff i ffwrdd o gartrefi a busnesau i’n carthffosydd. Ond mewn ardaloedd tir isel - fel Parc Hailey - mae angen i ni bwmpio’r dŵr gwastraff i fyny i’r rhwydwaith. Dyna pam fod ein cynlluniau’n cynnwys adeiladu gorsaf bwmpio carthffosiaeth fach newydd ym Mharc Hailey a chyflawni gwelliannau i’n rhwydwaith gwastraff er mwyn sicrhau bod y dŵr gwastraff yn cael ei bwmpio’n ddiogel i Weithfeydd Trin Dŵr Gwastraff Caerdydd.
Y Gronfa Gymunedol £10,000
Er mwyn diolch i’r gymuned, rydyn ni wedi lansio cronfa gymunedol o £10,000. Bydd grantiau ar gael i grwpiau cymunedol neu sefydliadau lleol er mwyn diolch iddynt am eu hamynedd yn ystod ein gwaith.
I wneud cais am gyfran o’r £10,000, mae angen i grwpiau e-bostio community@dwrcymru.com ac esbonio mewn tua 500 gair pam y dylai eu grŵp fod yn llwyddiannus a sut y bydd y gymuned leol yn elwa ar yr arian.
Tîm prosiect Dŵr Cymru sy’n gweithio yn yr ardal sy’n ariannu hyn ac mae’n wahanol i’r cyllid sy’n cael ei ryddhau trwy Gronfa Gymunedol y cwmni.
Cymorth arall sydd ar gael i chi
Weithiau, mae angen ychydig bach o gymorth ychwanegol ar ein cwsmeriaid. Boed hi’n ffeindio ffordd o arbed arian ar eu biliau misol, trwsio toiled sy’n gollwng neu eu cofrestru ar gyfer ein cofrestr gwasanaethau blaenoriaeth, r’yn ni yma i helpu. Mae manylion rhai o’r gwasanaethau sydd ar gael i chi isod.