Atyniadau Ymwelwyr Dŵr Cymru – Diwrnod i’r Brenin!
Eich canolfannau ar gyfer iechyd, lles a hamdden. Yn eich ailgysylltu chi â’r awyr agored, dŵr a’r amgylchedd.
Ymchwiliwch ein safleoedd
Dewch i brofi pob math o fuddion y mae bod yn agos at ddŵr yn ei gynnig yn un o’n Hatyniadau Ymwelwyr. Mae gan bob un ei bersonoliaeth unigryw ond eto mae iechyd, lles a hamdden wrth wraidd pob un.
Felly i ffwrdd â chi, taflwch y lein, ewch am dro, syllwch ar yr awyr, reidiwch eich beic neu ewch am damaid o fwyd yn ...
Cwm Elan
Canolbarth Cymru
Mae Cwm Elan yn rhan o’r Mynyddoedd Cambria garw ac yn ymledu dros 72 milltir sgwâr o olygfeydd o harddwch eithriadol. Mae’r tirweddau di-graith, sy’n gartref i blanhigion a bywyd gwyllt godidog yn fwy deniadol byth yn sgil yr argaeau Fictoraidd, cronfeydd dŵr a’r Ganolfan Ymwelwyr groesawgar. Mae Cwm Elan yn Barc Awyr Dywyll Rhyngwladol felly mae ei harddwch naturiol yn disgleirio ddydd a nos.
Llyn Brenig
Gogledd Cymru
Safle coediog hynod o arbennig gyda physgodfa frithyll, cyfleuster llogi beiciau, maes chwarae antur, canolfan ymwelwyr a chaffi gyda golygfeydd panoramig o’r balconi. Mae Llyn Brenig hefyd yn gartref i Weilch y Pysgod prin sy’n nythu yno ac i’w gweld o fis Ebrill hyd at ddiwedd mis Awst. Gyda 23km o draethlin yn ymestyn o amgylch un o’r ardaloedd dŵr mewndirol mwyaf yng Nghymru mae’n cael ei gydnabod yn un o’r pysgodfeydd wyneb dŵr gorau yn y DU.
Llyn Llandegfedd, Brynbuga
De Cymru
Yn gorwedd yng nghanol tirwedd fryniog hardd Dyffryn Wysg prin 20 milltir o Gaerdydd, Llyn Llandegfedd yw’r lle perffaith i fwynhau chwaraeon dŵr, pysgota, cerdded, gwylio bywyd gwyllt a mwynhau picnic. Mae’n atyniad ymwelwyr sy’n rhoi croeso gwirioneddol i gŵn lle cânt fwynhau’r golygfeydd trawiadol o falconi’r bwyty neu orffwys eu pawennau yn y caffi newydd.
Llys-y-Frân
Gorllewin Cymru
Yn sefyll wrth droed Bryniau Preseli yn Sir Benfro, mae Llyn a Chanolfan Weithgareddau Llys-y-Frân wedi ailagor ar ôl gael ei hailwampio’n sylweddol. Mae’r safle yn nawr yn cynnig Canolfan Ymwelwyr ar ei newydd wedd, caffi, beicio mynydd, ardal sgiliau pympio, llwybrau cerdded, gweithgareddau ar y dŵr ac ar dir sych, pysgota a maes chwarae antur, a hyb beicio newydd efo 14km o lwybrau beicio.
Cronfeydd Dŵr Llys-faen a Llanisien
De Cymru
Mae ein atyniad diweddaraf i ymwelwyr yng ngogledd Caerdydd yn adnodd naturiol o werth ecolegol o bwys ac mae’n cynnwys dau Safle o Ddiddordeb Gwyddonol Arbennig (SoDdGA) ar gyfer ffwng cap cwyr ac adar dros y gaeaf. Mae nofio dŵr agored yn rhan o’r rhaglen o chwaraeon dŵr sydd hefyd yn cynnwys hwylio, canwio, caiacio a phadlfyrddio. Mae dros 5km o lwybrau ac mae ein canolfan newydd i ymwelwyr yn cynnig golygfeydd anhygoel dros y cronfeydd dŵr a bwydlenni blasus yn y caffi.
Pysgota yng nghronfeydd dŵr Cymru
Mae Dŵr Cymru’n berchen ar 91 o gronfeydd dŵr o wahanol feintiau ac mae’n rheoli’r grŵp mwyaf un o bysgodfeydd brithyll dŵr llonydd yn y DU.
