Ardal Llanisien yng Nghaerdydd
Rydyn ni’n buddsoddi £7.8 miliwn mewn gwaith i wella’r rhwydwaith dŵr yn ardal Llanisien a’r cyffiniau yng Nghaerdydd. Bydd hyn yn ein helpu ni i barhau i ddarparu cyflenwad dibynadwy o ddŵr diogel a glân ar gyfer yr ardal am ddegawdau i ddod.
Bydd y gwaith yn helpu i sicrhau diogelwch cyflenwadau ein cwsmeriaid ac yn lliniaru’r problemau sy’n ymwneud â cholli cyflenwadau neu bwysedd dŵr isel sy’n taro rhai cwsmeriaid yn yr ardal.
Beth mae’r gwaith yn ei olygu?
Mae rhai o’r pibellau sy’n helpu ein cwsmeriaid i fwynhau eu cawod foreol a phaned o de dros 100 oed erbyn hyn. Dros amser, mae dyddodion naturiol yn gallu cronni yn y pibellau gan arafu llif y dŵr. Er nad yw’r dyddodion hyn yn niweidiol, bob nawr ac yn y man mae angen i ni lanhau’r pibellau er mwyn cadw’r dŵr yn llifo’n rhydd.
Gyda rhai rhannau o’r rhwydwaith yn dod at ddiwedd eu hoes weithredol, bydd y buddsoddiad yn yr ardal hon yn cynnwys adnewyddu tua 3.7km o bibellwaith.
Ymhle fydd y gwaith yn digwydd?
Bydd y gwaith yma’n cychwyn ddechrau Medi 2023 ac rydyn ni’n disgwyl ei gwblhau erbyn Hydref 2024.
Mae’r map isod yn dangos ble byddwn ni’n gweithio:
Os oes angen i ni weithio’r tu allan i’ch eiddo chi, byddwn ni’n sicr o gysylltu â chi’n uniongyrchol yn nes at yr amser, a byddwn ni’n diweddaru adran ‘Yn Eich Ardal’ ein gwefan gydag unrhyw gynlluniau penodol i reoli traffig.
Bydd gennym safle storio ac uned lles gyferbyn â Peppermint Park trwy gydol y gwaith yma.
Eich dŵr
Ni ddylai’r rhan fwyaf o’r gwaith effeithio ar eich cyflenwad dŵr. Fodd bynnag, oherwydd natur y gwaith, mae’n bosibl y bydd angen i ni ddatgysylltu’ch cyflenwad dŵr am gyfnod byr (hyd at 3 awr). Os oes angen i ni wneud hyn, byddwn ni’n rhoi gwybod i chi gan roi digon o rybudd.
Cwestiynau Cyffredin
Ni ddylai’r rhan fwyaf o’r gwaith effeithio ar eich cyflenwad. Fodd bynnag, oherwydd natur y gwaith, mae’n bosibl y bydd angen i ni ddatgysylltu’ch cyflenwad dŵr am gyfnod byr (hyd at 3 awr). Os oes angen i ni wneud hyn, byddwn ni’n anfon neges destun atoch ar y diwrnod.
Fel y gallwch dderbyn y negeseuon testun yma, sicrhewch fod gennym rif ffôn poced neu ffôn cartref dilys ar gyfer eich aelwyd. Gallwch ddilysu hyn a diweddaru eich manylion cyswllt trwy gysylltu â ni trwy Sgwrs Fyw ar ein gwefan neu trwy ffonio ein rhif 24 awr ar 0800 052 0130.
Byddwn ni’n hysbysu cwsmeriaid bregus, neu’r rhai sydd ag anghenion ychwanegol ac sydd wedi cofrestru ar gyfer ein Cofrestr Gwasanaethau Blaenoriaeth am y toriad yma ac yn darparu dŵr potel os oes angen. Os oes angen dŵr potel arnoch yn ystod y gwaith yma, gallwn drefnu hynny i chi.
Mae hyn yn ddigon normal. Mae dŵr afliw’n annhebygol o fod yn niweidiol i iechyd, ond fyddem ni ddim yn disgwyl i neb ei yfed os yw’n edrych yn annymunol. Dylai’r dŵr glirio’n ddigon cyflym ymhen ychydig funudau wrth fflysio’r tapiau, ond gallai gymryd tua 45 munud o redeg y tapiau cyn iddo glirio’n llwyr.
Os ydych chi’n poeni ac nad yw’r afliwiad wedi clirio, cysylltwch â ni.
Dylech osgoi golchi dillad nes bod y cyflenwad dŵr yn dychwelyd ac yn glir. Os ydych chi wedi golchi dillad a bod y dŵr afliw wedi gadael staen arnynt, dylech eu golchi eto ar ôl i’r cyflenwad glirio.
Dywedwch eich dweud
Ein nod yw darparu gwasanaethau cwsmeriaid rhagorol ar eich cyfer, ac rydyn ni’n awyddus glywed a ydyn ni’n taro’r nod bob tro. I rannu eich adborth, ewch i yma.
Yn eich ardal
Mynnwch y newyddion diweddaraf
I gadw llygad am gyfleoedd eraill i siarad â’r tîm, a chael gwybodaeth am y ffyrdd sydd ar gau a gwybodaeth am draffig, ewch i yn eich ardal a chwiliwch dan eich cod post.