Lôn Glan Môr, Hirael
Rydym yn gweithio i helpu i wella ansawdd dŵr y Fenai. Yma, cewch wybod mwy am y gwaith y byddwn yn ei wneud ar y rhwydwaith dŵr gwastraff yn eich ardal chi a sut y gall y gwaith effeithio arnoch.
Pam y byddwn yn gwneud y gwaith hwn?
Mae carthffosydd ym Mangor yn garthffosydd cyfun, sy'n golygu bod dŵr gwastraff o geginau a thoiledau yn cael ei gario gan yr un pibellau â dŵr glaw to a ffyrdd.
Yn ystod glaw trwm, mae'r dŵr wyneb a'r dŵr gwastraff ychwanegol yn cael ei storio mewn tanc storm, yn ein gorsaf bwmpio Lôn Glan Môr, fodd bynnag, yn ystod glawiad sylweddol, pan fydd y tanc hwn yn llawn ac yn methu â chymryd mwy, mae'r dŵr yn llifo allan o'r bibell gorlif storm i mewn i'r bae. Mae'r gorlif storm hwn yn ei le i atal y rhwydwaith rhag gorlifo mewn i gartrefi a busnesau ym Mangor.
Er mwyn helpu i ddiogelu’r amgylchedd lleol a dŵr y Fenai, sy’n rhan o Ardal Cadwraeth Arbennig Y Fenai, byddwn yn gwneud gwaith i helpu i leihau’r nifer o weithiau mae’r gorlif storm yn cael ei ddefnyddio’n flynyddol. Un ffordd o wneud hyn fyddai gwahanu dŵr wyneb a dŵr gwastraff yr ardal ond byddai hyn yn golygu tyllu rhan fwyaf o’r ffyrdd ym Mangor a fyddai’n amharu’n fawr ar drigolion a busnesau’r ddinas a byddai’n cymryd sawl blwyddyn.
Ffordd arall, llawer llai aflonyddgar, yw adeiladu tanc storio tanddaearol mawr a fydd yn dal llif yn ôl yn ystod glaw trwm ac yna'n rhyddhau'r dŵr yn ôl i'r system yn araf pan fydd digon o le. Dyma beth rydyn ni'n bwriadu ei wneud yn Lôn Glan Môr.
Sut yr ydym yn gwneud y gwaith?
Byddwn yn gosod tanc storio mawr o dan y cae pêl-droed ar Lôn Glan Môr. Gan y bydd angen lle i'r peiriannau a man storio hefyd, byddwn yn defnyddio'r rhan fwyaf o'r cae pêl-droed a'r glaswellt yn ystod ein gwaith.
Mae Byw’n Iach (Cyngor Gwynedd) sy’n berchen ar y cae pêl-droed wedi rhoi caniatâd i ni wneud y gwaith ar y safle, ac i wneud y newidiadau angenrheidiol i’r cae i gyflawni’r gwaith. Unwaith y byddem wedi gorffen y gwaith, byddwn wrth gwrs yn rhoi popeth yn ôl fel yr oedd.
Ar ôl i ni osod y tanc a gorffen y gwaith, byddwn wedyn yn ei orchuddio â glaswellt ac yn ail-farcio’r cae pêl-droed fel ei fod yn cael ei dychwelyd yn ardal laswelltog i bobl ei fwynhau unwaith eto.
Er mwyn i’n tîm allu cynnal a chadw’r tanc ar ôl i ni orffen y gwaith, bydd angen i ni greu trac wrth ymyl y cae a bydd rhai gorchuddion tyllau archwilio ar gyrion y cae chwarae.
Pryd fyddwn ni’n gweithio?
Rydym yn gobeithio dechrau’r gwaith hwn ganol mis Chwefror 2024 ac os aiff popeth fel y dylai, dylem fod wedi gorffen erbyn canol 2025, ond fe wnawn ein gorau i orffen cyn gynted ag y gallwn.
Roeddem wedi bwriadu gweithio 12 awr y dydd, ond yn dilyn adolygiad o'r rhaglen rydym bellach yn bwriadu gweithio o ddydd Llun i ddydd Gwener 7.30am i 5.30pm ond ar rai achlysuron efallai y bydd angen i ni weithio'n hwyrach neu ar benwythnosau i wneud y gwaith.
Ein partneriaid, Alun Griffiths, fydd yn gwneud y gwaith ar ein rhan.
Beth yw’r broses?
Sut bydd y gwaith yn effeithio arnoch?
Ni fydd y gwaith yn effeithio ar wasanaeth dŵr na dŵr gwastraff cwsmeriaid, ond fel gyda unrhyw waith adeiladu mawr, bydd adegau pan fydd rhywfaint o sŵn, cerbydau adeiladu, a rhywfaint o darfu ar draffig ond bydd y tîm yn gwneud eu gorau i leihau hyn lle gallent a gwneud yn siŵr bod y gymuned yn cael y wybodaeth ddiweddaraf am y gwaith.
Y Gronfa Gymunedol
Oeddech chi’n gwybod fod gan Dŵr Cymru Gronfa Gymunedol y gallai’ch cymuned chi elwa arni? Os ydych yn byw mewn ardal lle rydym yn gweithio — ac rydych eisiau codi arian ar gyfer prosiectau er budd y gymuned — cliciwch isod am ragor o wybodaeth am ein Cronfa Gymunedol o £5,000. Mae gennym hefyd £250 ychwanegol i'w roi i bedwar grŵp cymunedol yn ardal Bangor tra byddem yn gweithio ar Lôn Glan Môr. Dilynwch ni Facebook lle byddwch yn dod o hyd i ragor o wybodaeth am hyn yn fuan.
Gwybod mwyCwestiynau Cyffredin
Byw’n Iach (Cyngor Gwynedd) sy’n berchen ar y cae pêl-droed ac wedi cael caniatâd i wneud y gwaith ar y safle, ac i wneud y newidiadau angenrheidiol i’r cae i gyflawni’r gwaith. Unwaith y byddem wedi gorffen y gwaith, byddwn wrth gwrs yn rhoi popeth yn ôl fel yr oedd.
Bydd, ni fydd y gwaith yn effeithio ar eich gwasanaethau dŵr gwastraff.
Na, ni fydd y gwaith hwn yn effeithio ar eich cyflenwad dŵr.
Rydym yn gobeithio dechrau’r gwaith hwn ganol mis Chwefror 2024 ac os aiff popeth fel y dylai, dylem fod wedi gorffen erbyn canol 2025, ond fe wnawn ein gorau i orffen cyn gynted ag y gallwn. Fodd bynnag, bydd angen ail hadu'r cae ar ôl rhoi'r tanc i mewn, bydd y glaswellt newydd yn cymryd tan Wanwyn/Haf 2026 i sefydlu cyn y gellir defnyddio'r cae eto.
Roeddem wedi bwriadu gweithio 12 awr y dydd, ond yn dilyn adolygiad o'r rhaglen rydym bellach yn bwriadu gweithio o ddydd Llun i ddydd Gwener 7.30am i 5.30pm ond ar rai achlysuron efallai y bydd angen i ni weithio'n hwyrach neu ar benwythnosau i wneud y gwaith.
Ni fydd y gwaith yn effeithio ar eich gwasanaeth dŵr gwastraff, ond fel gyda unrhyw waith adeiladu mawr, bydd adegau pan fydd rhywfaint o sŵn, cerbydau adeiladu, a rhywfaint o darfu ar draffig ond bydd y tîm yn gwneud eu gorau i leihau hyn lle gallent a gwneud yn siŵr bod y gymuned yn cael y wybodaeth ddiweddaraf am y gwaith.
Yn yr un modd ag unrhyw waith adeiladu mawr, bydd adegau pan fydd rhywfaint o sŵn tra byddem yn gweithio, ond bydd y tîm yn gwneud eu gorau i leihau hyn lle gallent.
Rydyn ni'n rhagweld sŵn pan fyddwn ni'n pentyrru, ond byddwn ni'n rhag-wyntyllu'r ddaear i leihau sŵn pan fydd pentyrrau'n dirgrynu i mewn, a hefyd bydd rhwystr sŵn yn cael ei osod rhwng yr ardal waith a'r ffordd. Gallwn rannu dyddiadau’r gweithgareddau stancio yn nes at yr amser.
Nid ydym yn bwriadu cael unrhyw oleuadau traffig ychwanegol ar Lôn Glan Môr. Fodd bynnag, bydd nifer o gerbydau adeiladu yn mynd a dod i’r safle, a bydd adegau pan fydd cyflenwadau mawr i’r safle a allai arafu traffig.
Ar ôl i ni osod y tanc a gorffen y gwaith, byddwn wedyn yn ei orchuddio â glaswellt ac yn ail-farcio’r cae pêl-droed fel ei fod yn cael ei dychwelyd yn ardal laswelltog i bobl ei fwynhau unwaith eto. Er mwyn i’n tîm allu cynnal a chadw’r tanc ar ôl i ni orffen y gwaith, bydd angen i ni greu trac wrth ymyl y cae a bydd rhai gorchuddion tyllau archwilio ar gyrion y cae chwarae.
Na, ni fydd arogl carthion yn ystod ac ar ôl y gwaith.
Bydd mynediad i'r safle o Faes Parcio Dwyrain Lôn Glan Môr. Y contractwyr sy’n gwneud y gwaith i ni fydd Alun Griffiths, gan eu bod eisoes ar y safle yn gwneud y gwaith amddiffyn rhag llifogydd ar gyfer YGC, mae hyn yn golygu na fydd yn rhaid i ni fynd drwy’r cynllunio i greu mynediad dros dro newydd i’r cae o Beach Road, rydym yn hefyd ni fydd angen sefydlu compownd newydd ar y safle.
Cymorth arall sydd ar gael i chi
Weithiau, mae angen ychydig bach o gymorth ychwanegol ar ein cwsmeriaid. Boed hi’n ffeindio ffordd o arbed arian ar eu biliau misol, trwsio toiled sy’n gollwng neu eu cofrestru ar gyfer ein cofrestr gwasanaethau blaenoriaeth, r’yn ni yma i helpu. Mae manylion rhai o’r gwasanaethau sydd ar gael i chi yma.
Yn eich ardal
Mynnwch y newyddion diweddaraf
Am y diweddaraf am y prosiect a beth sy’n digwydd ar y safle, ewch i dudalen Yn Eich Ardal.