Cynllun Gwaredu Plaladdwyr 2021

Yn dilyn llwyddiant cynllun 2019 a 2020, rydyn ni'n ail-lansio ein cynllun gwaredu plaladdwyr a rhad am ddim ar gyfer 2021. Mae'r cynllun hwn yn rhan o'n prosiect PestSmart ac mae'n rhoi cyfle i ffermwyr, tyfwyr, ciperiaid, coedwigwyr a rheolwyr tir waredu hen blaladdwyr a chwynladdwyr diangen, rhai sydd wedi darfod a rhai sydd heb drwydded, a hynny am ddim.

Mae'r ffenestr cofrestru ar gyfer y cynllun hon yn agor nes 10 Medi 2021.

Trwy ddarparu'r cynllun gwaredu yma ar draws Cymru ac yn nalgylchoedd dŵr yfed Dŵr Cymru Welsh Water yn Lloegr, buom yn gweithio gyda rheolwyr tir i ddiogelu ansawdd dŵr crai cyn iddo gyrraedd ein gwaith trin dŵr.

COFRESTRWCH I GYMRYD RHAN

Cynllun Gwaredu Plaladdwyr

Gallwch gofrestru ar-lein trwy glicio yma neu trwy roi galwad i ni ar 01443 452716.

Cofrestru

Gofrestru ar-lein trwy glicio yma neu trwy roi galwad i ni ar 01443 452716.

Cadarnhau

Mae'n bosibl y bydd angen i ni roi galwad i chi neu anfon neges e-bost nôl atoch i ofyn ambell i gwestiwn syml i gadarnhau a ydych chi'n gymwys ai peidio.

Trosglwyddo eich manylion

Pan fyddwn wedi cadarnhau eich bod chi'n gymwys, byddwn ni'n trosglwyddo eich manylion i'n contractwr trydydd parti er mwyn sicrhau cyfrinachedd.

Casglu

Bydd ein contractwr, Chemastic Ltd, yn gofyn i chi beth rydych chi am ei waredu, a faint sydd gennych, ac yn trefnu dyddiad casglu. Heb y wybodaeth hon, ni fydd Chemastic Ltd yn gallu bwrw ymlaen â'r gwaith casglu.

Byddan nhw'n rhoi gwybod i chi os oes angen unrhyw wybodaeth bellach gennych, ac yn ateb unrhyw gwestiynau sy’n codi.

Contractwr gwaredu gwastraff peryglus yw Chemastic Ltd.

Noder:

RHAID cadw'r cemegolion yn eu cynwysyddion gwreiddiol fel ein bod ni'n gwybod beth ydyn nhw. Peidiwch â phoeni os yw hyn yn golygu bod gennych lawer o gynwysyddion heb lawer ynddyn nhw. Bydd ein contractwr yn eich cynghori ar y ffordd orau o storio eich cemegolion nes iddyn nhw gael eu casglu.

Gallwn gasglu uchafswm o 30 litr neu 30 cilogram bob tro. Gall ein contractwr gymryd rhagor, ond bydd tâl bach y cilogram/litr. Bydd angen cymeradwyo sylweddau ychwanegol gyda'r contractwr ymlaen llaw.

Mae cynllun gwaredu 2021 ar gael i'r bobl isod yn unig;

Ffermwyr a Thyfwyr
Ciperiaid
Coedwigwyr
Rheolwyr tir

Nid yw'r cynllun hwn ar gael i'r canlynol;

Gwmnïau masnachol ym maes rheoli plâu
Cwmnïau masnachol ym maes cynnal a chadw tiroedd
Awdurdodau lleol
Cwmnïau masnachol ym maes gwaredu gwastraff

Mae'r cynllun gwaredu ar gael ar draws Cymru gyfan a'n dalgylchoedd dŵr yfed yn Lloegr - mae'r map hwn yn dangos yr holl ardaloedd cymwys:. Os nad ydych yn siŵr a ydych mewn dalgylch dŵr yfed, ffoniwch ni ar 01443 452716 a byddwn yn hapus i helpu.

Byddwn ni'n derbyn: