Cronfa Gymunedol Dŵr Cymru
Fel cwmni dielw, mae ein cwsmeriaid yn ganolog i bopeth yr ydym yn ei wneud. Dyna pam y gwnaethom lansio Cronfa Gymunedol Dŵr Cymru yn 2017. Ers lansio’r gronfa, rydym yn falch o fod wedi rhoi dros £500,000 i gefnogi cannoedd o fentrau cymunedol lleol.
Rydym yn gwybod y gall ein gwaith weithiau darfu ar y cymunedau yr ydym yn gweithio ynddynt ac rydym yn dymuno rhoi’r cyfle i’n cwsmeriaid a grwpiau lleol wneud gwahaniaeth yn y cymunedau y maent yn byw ynddynt, trwy gynnig cyllid tuag at brosiect cymunedol o’u dewis. Gall grwpiau cymunedol wneud cais am grant o hyd at £5,000 tuag at eu prosiect.
Sut i wneud cais?
Byddwn yn agor ein proses ymgeisio ar-lein 3 gwaith yn ystod y flwyddyn am 8 wythnos. Dyma’r dyddiadau ar gyfer 2024:
- 1 Mai – 30 Mehefin
- 1 Medi – 31 Hydref
- 1 Ionawr 2025 – 28 Chwefror 2025
Bydd y panel cymunedol yn cyfarfod i benderfynu ar brosiectau llwyddiannus o fewn pythefnos ar ôl y dyddiad cau a bydd ymgeiswyr yn cael gwybod am y canlyniad erbyn diwedd y mis ar ôl i’r holl ddogfennau perthnasol gael eu derbyn a’u trefnu.
Mae enghreifftiau o brosiectau a allai dderbyn cyllid yn cynnwys:
- Gwelliannau i’r amgylchedd neu fentrau cymunedol lleol sy’n hybu amcanion iechyd, llesiant ac amgylcheddol.
- Gweithgareddau a gyflawnir gan grwpiau cymunedol cofrestredig – ag amcanion iechyd, llesiant, cymorth costau byw ac amgylcheddol yn benodol.
- Gwella a chefnogi gweithgarwch addysg lleol, er enghraifft buddion effeithlonrwydd dŵr, amgylcheddol ac arloesi.
Rhoddir blaenoriaeth i’r prosiectau hynny lle mae Dŵr Cymru yn gweithio, neu wedi bod yn gweithio.
Enghreifftiau o elusennau sy’n gymwys i wneud cais:
- Ymddiriedolaethau Elusennol - Elusen Gofrestredig
- Cymdeithasau tai, clybiau chwaraeon, mentrau cydweithredol
- Cymdeithasau Cyfeillgar – clybiau gweithwyr, cymdeithasau llesiannol
- Cymdeithas Anghorfforedig - Grwpiau hunangymorth, sefydliadau bach
- Elusennau a Eithrir – y Sgowtiaid/y Geidiaid/yr Afancod/y Brownis
- Darparwyr gwasanaeth Sector Gwirfoddol - Canolfannau Gwirfoddolwyr
- Ysgolion
Sylwer – Nid yw hon yn rhestr drwyadl
Yr hyn na allwn ei ariannu:
- Ariannu staff – oni bai bod y cyllid ar gyfer hyfforddi staff presennol i wella ansawdd yr hyn y gall y grŵp ei gyflawni.
- Cyllid amlflwyddyn
- Elusennau anghofrestredig
- Arianwyr neu ddarparwyr grantiau eraill
- Cyllid diffyg
- Gweithgareddau pleidiau gwleidyddol
- Grwpiau penodol grefyddol
- Digwyddiadau, cynadleddau nawdd
Sylwer – Nid yw hon yn rhestr drwyadl
Sut mae’n gweithio
- Bydd partïon â diddordeb yn cwblhau ffurflen gais ar-lein sydd ar gael ar wefan Dŵr Cymru. Bydd copi o’r telerau ac amodau ar gyfer y cyllid hwn ar gael ar y wefan ac mae’n rhaid i ymgeiswyr ddarllen y rheini cyn ymgeisio gan y bydd dyfarnu cyllid yn cael ei lywodraethu gan y telerau ac amodau hynny.
- Bydd y panel cymunedol yn ystyried y cais ac yn gwneud penderfyniad ar ba un a yw’r cais yn llwyddiannus ai peidio.
- Os yw’r cais yn llwyddiannus, bydd cyswllt y prosiect yn cael ei hysbysu ar ôl cyfarfod y panel cymunedol a fydd yn cael ei gynnal 3 gwaith yn ystod y flwyddyn.
- Bydd angen i’r ymgeisydd llwyddiannus gwblhau a llofnodi llythyr o Gytundeb a bod yn gyfrifol am ddarparu’r prosiect.
- Bydd yr ymgeisydd llwyddiannus yn gyfrifol am gael gafael ar yr holl ganiatâd a chydsyniadau ac yn gyfrifol yn gyfreithiol am yr holl risgiau sy’n gysylltiedig â’r prosiect.
- Mae dyfarniadau cyllid yn amodol ar gymryd rhan mewn deunyddiau cyhoeddusrwydd Dŵr Cymru.
Sylwer: Mae’r penderfyniad i ddyfarnu cyllid yn gyfan gwbl yn ôl disgresiwn y panel cymunedol.
Ni fydd Dŵr Cymru yn chwarae unrhyw ran mewn trefnu digwyddiad na’n rheoli unrhyw risgiau dan sylw. Bydd angen i grwpiau cymunedol gynnal eu hasesiad eu hunain o risg o ran unrhyw weithgaredd / digwyddiad yr ymgymerir ag ef.
Ar ôl i’r gronfa flynyddol a ddyrennir gael ei gwario, bydd y gronfa yn cau tan y flwyddyn ariannol ddilynol.
Cwestinau Cyffredin
Gall unrhyw sefydliad dielw wneud cais i’r Gronfa. Mae’n rhaid i’r prosiect fod wedi’i leoli yn y cymunedau yr ydym yn eu gwasanaethu, a rhoddir blaenoriaeth i’r cymunedau lle’r ydym yn gweithio, neu wedi bod yn gweithio.
Y cwbl y mae angen i chi ei wneud yw cwblhau ein ffurflen gais ar-lein. Bydd ein panel cronfa gymunedol yn ystyried eich cais ac yn gwneud penderfyniad ar ba un a yw eich prosiect yn llwyddiannus ai peidio. (Gweler yr amserlenni pan fydd y gronfa gymunedol ar agor drwy’r flwyddyn).
Gall ceisiadau llwyddiannus dderbyn hyd at uchafswm o £5,000 o gyllid fesul prosiect.
Ar ôl cyflwyno cais, bydd ceisiadau yn cael eu hystyried gan banel Cronfa Gymunedol pwrpasol 3 gwaith yn ystod y flwyddyn.
- Bydd y Panel Cymunedol yn ystyried y cais ac yn gwneud penderfyniad fel y nodir yn y canllawiau amserlen ar ba un a yw’r prosiect yn llwyddiannus ai peidio.
- Os yw’r cais yn llwyddiannus, bydd cyswllt y prosiect yn cael ei hysbysu yn dilyn cyfarfod y Panel, a fydd yn cael ei gynnal bob 3 mis.
- Anfonir Llythyr Cytundeb i’r ymgeisydd llwyddiannus y bydd yn rhaid ei lofnodi a’i ddychwelyd cyn i’r cyllid gael ei ryddhau. Byddant hefyd yn gyfrifol am ddarparu’r prosiect.
- Bydd yr ymgeisydd llwyddiannus yn gyfrifol am gael gafael ar yr holl ganiatâd a chydsyniadau ac yn gyfrifol yn gyfreithiol am yr holl risgiau sy’n gysylltiedig â’r prosiect. Ni fydd Dŵr Cymru yn ymgymryd ag unrhyw swyddogaeth drefnu neu reoli yn narpariaeth y prosiect/gweithgaredd.
- Mae dyfarniadau cyllid yn amodol ar gytuno i gymryd rhan yng ngweithgareddau cyhoeddusrwydd rhesymol Dŵr Cymru. Bydd taliad yn cael ei wneud trwy bacs i’r ymgeisydd llwyddiannus ar ôl dychwelyd y Llythyr Cytundeb ar ôl i’r gwiriadau perthnasol gael eu cymeradwyo. Sylwer y gallai gymryd hyd at 4- 12 wythnos i’r taliad gael ei wneud.
- Efallai y bydd ceisiadau llwyddiannus yn destun archwiliad trwy drefniant ar ôl cwblhau’r prosiect i sicrhau bod y prosiect wedi cael ei ddarparu yn unol â’r cais a gymeradwywyd.
Bydd y Gronfa yn galluogi grwpiau i wella eu cymunedau trwy amrywiaeth o feysydd:
- Gwelliannau i’r amgylchedd neu fentrau cymunedol lleol sy’n hyrwyddo amcanion iechyd, llesiant ac amgylcheddol.
- Gweithgareddau a gyflawnir gan grwpiau cymunedol cofrestredig – ag amcanion iechyd, llesiant ac amgylcheddol yn benodol.
- Gwella a chefnogi gweithgarwch addysg lleol, er enghraifft buddion effeithlonrwydd dŵr, amgylcheddol ac arloesi.
Mae’n rhaid cwblhau darpariaeth y prosiect o fewn 12 mis o gymeradwyo’r cais a darparu’r cyllid.
Ni ddylid defnyddio’r cyllid i ariannu prosiect penodol sy’n amodol ar dderbyn cyllid neu gydsyniadau ychwanegol.
Gallwch, ond rhoddir blaenoriaeth i’r cynlluniau hynny lle mae Dŵr Cymru yn gweithio, neu wedi bod yn gweithio.