Effeithiau'r Newid yn yr Hinsawdd
Mae newid hinsawdd yn golygu y byddwn ni’n gweld stormydd glaw trymach, a hynny’n amlach, a gallai hynny achosi mwy o lifogydd a mwy o ddŵr yn ein carthffosydd. Mae disgwyl i’r hafau fod yn fwy poeth a sych, a allai olygu bod llai o ddŵr ar gael, er bod ei angen ar ragor o bobl.
Dyna pam ein bod ni’n parhau i weithio’n galed ar sawl maes gwaith - fel helpu pobl i ddefnyddio llai o ddŵr a thrwsio gollyngiadau, uwchraddio ein systemau dŵr gwastraff er mwyn helpu i gadw afonydd a moroedd yn lân, a datblygu systemau draenio cynaliadwy i leihau’r risg o lifogydd carthion. Ac, er mwyn helpu i frwydro yn erbyn newid hinsawdd, rydyn ni’n cwtogi ar allyriannau carbon hefyd.
GlawLif
Yn Dŵr Cymru, rydyn ni’n arwain y ffordd wrth ddatblygu a defnyddio atebion arloesol i reoli faint o ddŵr wyneb sy’n mynd i mewn i’n carthffosydd. Mae hynny’n golygu ein bod ni’n dal, yn dargyfeirio ac yn arafu llif y dŵr wyneb i mewn i’r rhwydwaith carthffosiaeth lle bo modd, ac rydyn ni’n gwneud hyn trwy ddefnyddio amrywiaeth o atebion. Dyma gipolwg ar ein gwaith GlawLif yn y gorffennol, a’r cysyniad yn gyffredinol:
Deunydd a gwybodaeth i’w lawrlwytho:
- Popeth am GlawLif
- GlawLif yn Llanelli (YouTube)
- Dewisiadau a manteision GlawLif (PDF)
- Stori GlawLif
- Ysgol Gynradd Stebonheath - GlawLif (YouTube)