Bydd disgyblion Academi Holmer yr Eglwys yn Lloegr yn cadw'n heini, yn iach ac yn actif diolch i grant gan Gronfa Gymunedol Dŵr Cymru. Mae'r gronfa'n rhan o fuddsoddiad gwerth £10m y cwmni i uwchraddio'r pibellau dŵr rhwng Cronfa Ddŵr Bewdley Banc a dinas Henffordd.
Mae'r arian a ddyfarnwyd i'r ysgol wedi mynd i brynu offer chwarae ychwanegol i'r 400 o ddisgyblion ei fwynhau.
Dywedodd Jayne Maund, Pennaeth Academi Holmer yr Eglwys yn Lloegr: ‘“Mae'r arian gan Gronfa Gymunedol Dŵr Cymru wedi helpu i annog y plant i wneud dewisiadau mwy iach yn ystod eu hamser rhydd trwy gynnig amrywiaeth ehangach o weithgareddau iddynt, gan wella eu ffitrwydd a'u lles.”
Mae Cronfa Gymunedol y cwmni'n rhoi cyfle i gymunedau hybu ymdrechion i godi arian at achosion da yn eu hardal. Os ydych chi'n byw mewn ardal lle mae gwaith yn cael ei gyflawni – ac yn codi arian ar gyfer prosiectau er budd y gymuned – gallech gael gwerth £1,000 o gyllid gan Ddŵr Cymru.
Dywedodd Claire Roberts, Pennaeth Cysylltu Cymunedau Dŵr Cymru: “Mae Cronfa Gymunedol Dŵr Cymru'n falch o gefnogi amrywiaeth eang o brosiectau yn y gymuned ar draws ardal Sir Henffordd. Fel sefydliad nid-er-elw, cwsmeriaid sydd wrth galon ein holl waith, ac mae'r cyllid yma'n rhoi cyfle i ni roi rhywbeth nôl i'r cymunedau rydym yn buddsoddi ynddynt.”
I gael rhagor o fanylion am Gronfa Gymunedol y cwmni, ewch i yma