Gŵyr
Rydyn ni’n buddsoddi £1 miliwn yn rhwydwaith dŵr Gŵyr. Bydd hyn yn ein helpu ni i barhau i ddarparu cyflenwad dibynadwy o ddŵr diogel a glân yn yr ardal am ddegawdau i ddod.
Bydd y gwaith yn helpu i sicrhau diogelwch cyflenwadau ein cwsmeriaid ac yn lliniaru problemau sy’n ymwneud â cholli cyflenwadau neu bwysedd dŵr isel sy’n taro rhai cwsmeriaid yn yr ardal.
Beth mae’r gwaith yn ei olygu?
Mae rhai o’r pibellau sy’n helpu ein cwsmeriaid i fwynhau eu cawod a’u paned boreol dros 100 oed erbyn hyn. Dros amser, mae dyddodion naturiol yn gallu cronni yn y pibellau gan arafu llif y dŵr. Er nad yw’r dyddodion hyn yn niweidiol, bob nawr ac yn y man mae angen i ni lanhau’r pibellau er mwyn cadw’r dŵr yn llifo’n rhydd.
Ni fydd y gwaith yn effeithio ar y rhan fwyaf o’n cwsmeriaid, ac mae’n debygol na fydd y rhan fwyaf ohonoch yn sylwi ar y gwaith sy’n cael ei wneud hyd yn oed, ond byddwn ni’n ysgrifennu at unrhyw gwsmeriaid y gallai’r gwaith effeithio arnynt yn uniongyrchol i rannu’r holl wybodaeth angenrheidiol.
Gyda rhai rhannau o’r rhwydwaith yn dod at ddiwedd eu hoes weithredol, bydd ein buddsoddiad yn yr ardal hon yn golygu adnewyddu tua 1km o brif bibellau dŵr, glanhau bron i 8km, a dadgomisiynu 1.5km.
Ymhle fydd y gwaith yn digwydd?
Bydd y gwaith yn dechrau ddiwedd Tachwedd 2022. Bydd yn digwydd rhwng dwy ardal ym mhenrhyn Gŵyr ac rydyn ni’n rhagweld y caiff ei gwblhau erbyn diwedd Ebrill 2023. Gallwch weld ymhle y byddwn ni’n gweithio isod:
Dylid nodi bod ein mapiau’n dangos lleoliadau’r pibellau dŵr y byddwn ni’n eu huwchraddio gan ddefnyddio gwahanol dechnegau. Nid yw hynny’n golygu y byddwn ni’n tyllu yn eich stryd, ond os oes angen i ni gyflawni gwaith yn eich stryd, byddwn ni’n rhoi gwybod i chi ymlaen llaw.
Lleoliad ein safle gwaith
Bydd angen i ni osod ein safle gwaith a’n huned les yn y lôn y tu ôl i Broadwood ym Mhenlle’r-gaer. Bydd y safle gwaith yn cymryd rhan fechan o’r lôn yma (tua 20x30 metr). Byddwn ni’n dechrau gosod y safle dros dro yma dydd Mawrth, 29 Tachwedd, ac rydyn ni’n disgwyl iddo fod yn ei le tan ddiwedd Ebrill 2023. Byddwn ni’n defnyddio’r ardal hon i storio deunyddiau’n bennaf, a byddwn ni’n cyrraedd y safle trwy Glos Tŷ Mawr.
Eich dŵr
Ni ddylai’r rhan fwyaf o’r gwaith effeithio dim ar eich cyflenwad. Fodd bynnag, oherwydd natur y gwaith, mae’n bosibl y bydd angen i ni ddatgysylltu’ch cyflenwad dŵr am gyfnod byr (hyd at 3 awr). Os oes angen i ni wneud hyn, byddwn ni’n anfon neges destun atoch ar y diwrnod.
Cwestiynau Cyffredin
Ni ddylai fod unrhyw ymyrraeth â'ch cyflenwad dŵr dros yr amser yma. Ond oherwydd natur y gwaith yma, mae'n bosibl y bydd angen i ni ddatgysylltu eich cyflenwad dŵr am gyfnod byr (hyd at 3 awr) o fewn yr wythnos nesaf. Byddwn ni'n anfon neges destun atoch ar y diwrnod pan rydyn ni’n bwriadu datgysylltu’r cyflenwad i roi gwybod i chi ein bod ni'n bwriadu gwneud hynny.
Cofiwch sicrhau fod gennym rif ffôn symudol neu linell dir cyfredol ar gyfer eich aelwyd fel y gallwch dderbyn y neges destun yma. Gallwch sicrhau bod eich manylion yn gyfoes a’u diweddaru trwy gysylltu â ni trwy Sgwrs Fyw ar ein gwefan neu trwy ffonio ein rhif cyswllt 24-awr ar 0800 052 0130.
Byddwn ni'n hysbysu cwsmeriaid bregus a'r rhai ag anghenion ychwanegol sydd wedi cofrestru ar gyfer Gwasanaethau Blaenoriaeth am ein bwriad i ddatgysylltu dros dro, a byddwn yn darparu dŵr potel ar eu cyfer os oes angen. Os oes angen dŵr potel arnoch wrth i ni gyflawni'r gwaith, yna gallwn ni drefnu hynny i chi.
Mae dŵr afliw yn annhebygol o niweidio eich iechyd ond ni fyddem ni’n disgwyl i unrhyw un ei yfed os yw’n edrych yn annymunol. Fel arfer, mae’n clirio’n weddol gyflym ar ôl rhedeg y tap am ychydig funudau, ond weithiau bydd angen rhedeg y tap am ryw 45 munud cyn iddo glirio.
Os ydych chi’n poeni ac nad yw lliw y dŵr wedi clirio, cysylltwch â ni.
Dylech osgoi golchi dillad nes bod y dŵr yn glir ond os ydych chi wedi gwneud hyn ac mae’r dŵr afliw wedi staenio eich dillad, golchwch nhw eto pan fydd y cyflenwad wedi clirio. Os yw’r dillad wedi’u staenio ar ôl eu golchi eto, cadwch y dillad sydd wedi’u staenio a chysylltwch â ni.
Y cynllun rheoli traffig
Rydyn ni’n treulio amser mawr yn cynllunio ein gwaith er mwyn sicrhau ei fod yn tarfu cyn lleied â phosibl ar y gymuned. Rydyn ni wedi cynllunio’r gwaith yn ofalus fel nad oes angen cyflawni llawer ohono yn y ffordd. Yn hytrach, byddwn ni’n gosod cynifer â phosibl o’r pibellau newydd ar dir y tu hwnt i’r prif ardaloedd adeiledig.
Ond bydd yna adegau pan fydd angen i ni weithio yn y ffordd, ac mae’n bosibl y bydd angen i ni ofyn i rai pobl beidio â pharcio yn yr ardaloedd lle’r ydyn ni’n gweithio. Os felly, byddwn ni’n sicr o roi gwybod i chi mewn da bryd. Gallwn eich sicrhau chi y byddwn ni’n cwblhau’r gwaith ar y ffyrdd cyn gynted ag y gallwn ni.
Dywedwch eich dweud
Ein nod yw darparu gwasanaethau cwsmeriaid rhagorol ar eich cyfer, a hoffem glywed a ydyn ni’n plesio neu beidio. I rannu eich adborth, ewch i dwrcymru.com/AdborthAmWaith
Yn eich ardal
Ardal
I glywed am gyfleoedd eraill i siarad â'r tîm, a gwybodaeth am unrhyw ffyrdd a fydd ar gau i draffig, ewch i yn eich ardal a chwilio dan eich cod post.