Yr Athro Tom Crick MBE
Cyfarwyddwr Anweithredol
Penodwyd: Hydref 2017
Profiad
Mae Tom yn Athro Polisi Digidol ym Mhrifysgol Abertawe, ac yn Brif Ymgynghorydd Gwyddonol i Adran Diwylliant, y Cyfryngau a Chwaraeon Llywodraeth y DU. Ym maes y rhyngwyneb rhwng ymchwil a pholisi mae ei ddiddordebau academaidd, gan glustnodi a mynd i’r afael â phroblemau parth â themâu digidol, ar sail data a chyfrifiadurol – o ddeallusrwydd artiffisial, y gwyddorau data, seiberwytnwch i reoleiddio technoleg, seilwaith cenedlaethol hanfodol a gwasanaethau digidol cyhoeddus.
Tom oedd Comisiynydd cyntaf Comisiwn Seilwaith Cenedlaethol Cymru rhwng 2018-2022, a bu’n aelod o banel arbenigwyr Adolygiad Llywodraeth Cymru o Arloesi Digidol yr Economi a Dyfodol Byd Gwaith yn 2019. Mae e wedi arwain diwygiadau pwysig i’r cwricwlwm gwyddoniaeth a thechnoleg yng Nghymru dros y 10 mlynedd diwethaf hefyd. Mae Tom yn Beiriannydd Siartredig, yn Wyddonydd Siartredig, yn Gymrawd i Gymdeithas Ddysgedig Cymru a chafodd ei benodi’n MBE yn Anrhydeddau Pen-blwydd y Frenhines yn 2017 am ei wasanaeth i’r byd cyfrifiadureg.
Swyddi Anweithredol Cyfredol Eraill
Aelod Annibynnol o Fwrdd Iechyd Prifysgol Bae Abertawe.
Swyddi Anweithredol Blaenorol
Cyfarwyddwr Anweithredol Sector Development Wales Partnership Ltd (un o gyrff Llywodraeth Cymru dan enw Diwydiant Cymru). Aelod Anweithredol o Bwyllgor Ymgynghorol Ofcom yng Nghymru. Is-lywydd BCS, y Sefydliad Siartredig TG.
Aelodaeth o bwyllgorau
Cadeirydd y Pwyllgor Technoleg. Aelod o’r Pwyllgor Taliadau a’r Pwyllgor Ansawdd a Diogelwch.