Strategaeth Cyflenwad Dŵr Cwm Taf
Buddsoddi mewn gweithfeydd trin dŵr newydd a chydnerth, a chyfleusterau cysylltiedig a fydd yn darparu cyflenwad diogel a dibynadwy o ddŵr yfed glân i'n cwsmeriaid am ddegawdau i ddod.
Croeso i’n hymgynghoriad
30 Hydref – 5 Ionawr 2026
Rydym wedi ymestyn ein cyfnod ymgynghori i ddydd Llun 5 Ionawr 2026, 23:59.
Mae'r wybodaeth ar y wefan ymgynghori hon yn amlinellu ein cynnig i uwchraddio ein Gwaith Trin Dŵr presennol yn Llwyn-onn ym Mharc Cenedlaethol Bannau Brycheiniog, ynghyd â chyfleusterau storio dŵr a rhwydweithiau piblinellau newydd.
Ar ôl eu hadeiladu, bydd y cyfleusterau newydd hyn hefyd yn disodli Gwaith Trin Dŵr presennol Cantref, a fydd yn cael ei ddatgomisiynu.
Ymgynghoriad cyn gwneud cais statudol yw hwn ac fe'i cynlluniwyd i rannu'r angen am y buddsoddiad, ein cynigion, dogfennau cais cynllunio drafft, a chael eich adborth cyn i ni gyflwyno ein cais cynllunio i'r awdurdodau cynllunio lleol perthnasol – Parc Cenedlaethol Bannau Brycheiniog a Chyngor Bwrdeistref Sirol Merthyr Tudful.
Rydym wedi creu ystafell ymgynghori rithwir lle byddwch yn dod o hyd i wybodaeth am y cynnig a sut y gallwch roi eich barn. Gwnewch yn siŵr eich bod yn darllen y wybodaeth ychwanegol ar y prif fwrdd yn yr ystafell rithwir ac a ddarperir ar y sgriniau.
Ein hymgynghoriad
rhithiol
Strategaeth Cyflenwad Dŵr Cwm Taf - Gwaith Trin Dŵr Llwyn-onn
Mae ystafell ymgynghori rithwir ar wahân ar gael ar gyfer Gwaith Trin Dŵr arfaethedig yn Dan-y-Castell a Gorsaf Bwmpio Pontsticill: dwrcymru.com/cynnigdanycastell
Dweud eich dweud
Rydym am glywed eich barn.
Cymerwch yr amser i ddarllen ein deunyddiau ymgynghori ac yna cwblhewch ein ffurflenni i rannu eich adborth.
Mae ffurflenni ar wahân ar gyfer pob cynnig fel y gallwn sicrhau y bydd unrhyw sylwadau a geir yn benodol i bob cynnig. Rydym wedi defnyddio system codau lliw ar y ffurflenni er mwyn eglurder. Rydym yn croesawu ac yn annog adborth ar y ddau gynnig. I'r rhai sydd am wneud sylwadau ar y ddau, bydd angen i chi lenwi'r ddwy ffurflen adborth.
Sut i gyflwyno adborth
Darparwch adborth ar-lein yma.
Dydd Iau 6 Tachwedd - 3pm-6pm yn Neuadd Goffa Pontsticill, Heol Faenor, CF48 2RU.
Dydd Iau 13 Tachwedd - 2pm-7pm yn Neuadd Gymunedol Cefn Coed, Stryd Newydd yr Eglwys, CF48 2NA.
Dydd Mercher 26 Tachwedd - 3pm-6pm yn Nant Ddu Lodge & Spa, CF48 2HY.
Dydd Iau 4 Rhagfyr - 1pm-5:30pm yn Llyfrgell Ganolog Merthyr Tudful, Stryd Fawr, CF47 8AF.
Dydd Iau 18 Rhagfyr - 3pm yn Ysgol Uwchradd Pen-y-Dre, Gurnos, Merthyr Tudful, CF47 9BY.
Mae ein ffurflen adborth ar gael i'w lawrlwytho yma.
Gallwch gasglu copi o'n ffurflenni yn ein digwyddiadau wyneb yn wyneb neu yn Llyfrgell Ganolog Merthyr Tudful, Stryd Fawr, CF47 8AF
Neu gallwch ofyn am gopi caled drwy e-bostio ni cwmtafproject@dwrcymru.com.
Postiwch eich ffurflen adborth i: Freepost, Dŵr Cymru Welsh Water.
Os byddai'n well gennych anfon eich adborth atom drwy e-bost, e-bostiwch ni cwmtafproject@dwrcymru.com.
Os na allwch ymateb drwy un o'r sianeli uchod, ffoniwch 0800 052 0130 i drafod ffyrdd eraill o rannu eich adborth. (Ymholiadau cyffredinol 8am-6pm o ddydd Llun i ddydd Gwener, 9am-1pm dydd Sadwrn).
Ymestynnwyd y dyddiad cau ar gyfer ymatebion i 23:59 ddydd Llun 5 Ionawr 2026.
Mae eich adborth yn bwysig iawn i ni. Bydd yr adborth a geir fel rhan o'r ymgynghoriad hwn yn cael ei ystyried wrth i ni gwblhau ein cais. Bydd y sylwadau a godwyd, a sut y gwnaethom eu hystyried, yn rhan o’n cyflwyniad cais cynllunio terfynol - a nodir yn yr Adroddiad Ymgynghori Cyn Gwneud Cais.