Arbed Dŵr
Does dim byd yn bwysicach na dŵr. Mae llawer iawn o waith, egni a chariad yn cael ei roi i pob diferyn o ddŵr sy’n cyrraedd ein cartrefi.
Rydym yn defnyddio dŵr bob dydd mewn sawl gwahanol ffordd. Does dim dŵr newydd yn y byd, ac felly rydyn ni'n gofyn i bobl ddefnyddio'r holl ddŵr sydd ei angen arnyn nhw, ond i ofalu i beidio â'i wastraffu.
Oeddech chi'n gwybod?
- Mae traean o'r dŵr rydym yn ei ddefnyddio gartref yn mynd i lawr y tŷ bach - mae pob fflysh yn gallu tynnu rhwng 6 ac 13 litr o ddŵr, yn dibynnu ar faint seston y tŷ bach.
- Mae tap sy'n diferu yn gallu gwastraffu hyd at 30 litr o ddŵr y dydd.
- Mae peiriant golchi'n defnyddio hyd at 80 litr o ddŵr bob tro, dim ots os yw'r peiriant yn llawn a'i peidio, ac mae peiriant golchi llestri'n defnyddio rhwng 22 a 35 litr y tro.
- Mae bath yn defnyddio hyd at 80 litr o ddŵr ac mae cawod yn defnyddio 35 litr. Mae cawod pŵer (un â phwmp) yn gallu defnyddio'r un faint o ddŵr â bath.
- Mae taenellwyr gardd yn defnyddio llawer iawn o ddŵr, hyd at 1,000 o litrau'r awr. Mae hynny llawn cymaint ag y byddai un person yn ei ddefnyddio mewn WYTHNOS!
Deunydd a gwybodaeth i’w lawrlwytho
- Gweld y Gwahaniaethau (PDF)
- Cyfrifiannell Ddŵr (PDF)
- Ffeithiau am Ddŵr (PDF)
- Doeth gyda Dŵr (PDF)
- Gweithgaredd "tap sy'n diferu" (PDF)
- Archwiliad cartref (PDF)
- Sawl litr ... (PDF)
- Taflen Waith Rhifedd - Rhan 1 a Rhan 2 (PDF)
- Gemau Effeithlonrwydd Dŵr
Os ydych chi'n awyddus i ddysgu rhagor am effeithlonrwydd dŵr, dewch i'n gweld ni yn un o'n canolfannau darganfod.