Ein Fframwaith Sicrwydd

Ein fframwaith sicrwydd

Roedd croeso i’r cyhoeddiad ‘Fframwaith Monitro Cwmnïau’ gan Ofwat ym mis Mehefin 2015 gan ei fod yn herio pob cwmni i:

• gyhoeddi gwybodaeth sy’n gywir ac yn ddibynadwy yn gyson;
• parhau i adolygu pa wybodaeth y mae ein cwsmeriaid a’n rhanddeiliaid ei heisiau a’i hangen; a
• Bod yn dryloyw am y sicrwydd data y maent yn ei gyflwyno.

Mae’r Fframwaith Monitro Cwmnïau yn disgrifio tri chategori o sicrwydd. Caiff cwmnïau eu neilltuo i gategorïau yn flynyddol gan Ofwat, yn dilyn cyfres o asesiadau sy’n cwmpasu ystod eang o wybodaeth. Y tri chategori yw:

• hunan-sicrwydd, pan fo cwmni’n darparu sicrwydd y tu hwnt i ofynion sicrwydd cyffredin yn ôl ei ddisgresiwn ei hun;
• sicrwydd wedi’i dargedu, pan fo cwmni’n colli disgresiwn ar rai meysydd sicrwydd y tu hwnt i’r gofynion sicrwydd cyffredin; a
• sicrwydd rhagnodedig, pan fo cwmni’n colli disgresiwn ar nifer fawr o feysydd sicrwydd y tu hwnt i’r gofynion sicrwydd cyffredin.

Yn asesiad terfynol Ofwat ym mis Ionawr 2019, roeddem yn falch iawn o gael ein dyrchafu i’r 'categori hunan sicrwydd’, a chadarnhaodd Ofwat:

"Mae Dwr Cymru dangos y lefel uchel gyson sydd ei hangen mewn cwmni "hunansicrwydd" a gwnaethant fodi oni'r meini prawf i gael eu dyrchafu i'r categori hunansicrwydd"

Ein nod parhaus yw darparu gwybodaeth sy’n hawdd ei dilyn a dod o hyd iddi ac sy’n galluogi cwsmeriaid i ddeall sut yr ydym yn perfformio. Rydym yn cydnabod bod hyn yn helpu i roi hyder ac ymddiriedaeth yn yr wybodaeth yr ydym yn ei chyhoeddi i gwsmeriaid a rhanddeiliaid.

Mae gennym fframwaith sicrwydd ac archwilio, sydd wedi ei brofi ac arbrofi, ac sy’n sicrhau bod safonau ansawdd yn cael eu bodloni. Ceir crynodeb o hyn isod. Ond mae gennym hefyd ddolenni i’r gwahanol ddogfennau a gyhoeddwyd ers i Ofwat gyflwyno’r Fframwaith Monitro Cwmnïau, ar ein tudalen we, sy’n benodol ar gyfer ein fframwaith sicrwydd.

Ein Fframwaith Sicrwydd